හැත්තෑව සමගි පෙරමුණ රජය සමයේ චීනයෙන් ගෙන්වන ලද වේග ප්‍රහාරක බෝට්ටු ‘සූරයා’, ‘වීරයා’, ‘රණකාමී’ හා ‘දක්ෂයා’ ලෙස නම් තබා ඇත්තේ එස්. ඩබ්ලිව්. ආර්. ඩී. බණ්ඩාරනායක නමේ මුල් අකුරු යොදාගෙනයි. අසූව දශකයේ මුල් භාගයේ නාවික හමුදාවට අලුතෙන් ලැබුණු වේග ප්‍රහාරක බෝට්ටු ‘ජගතා’ හා ‘රක්ෂක’ ලෙස නම් තැබුවේ එවකට ජනාධිපති වූ ජේ. ආර්. ජයවර්ධනගේ නමේ මුල් අකුරු යොදා ගෙනයි. ‘ජයසාගර’, ‘සාගරවර්ධන’ යාත්‍රා දෙකට නම් තැබුවේද ජයවර්ධන නාමය සනිටුහන් වන ආකාරයටයි. මේ ආකාරයෙන් රටේ පාලකයා සතුටු කරන්නට හෝ ඔහුට ගෞරවයක් ලෙස අලුතින් අධිකාරියට පත් වෙන නෞකා නම් කිරීමට ඒ ඒ යුගවල සිටි නාවික හමුදාපතිවරුන් පියවර ගනු ලැබුවා.

“එඩිතර නෞකාවට අප අනුයුක්ත කරනු ලැබුවේ නාවික ඉංජිනේරු පුහුණුවට වුවත් පහළ මට්ටමේ ආධුනික නැවියෙකුට ලබා දෙන විවිධාකාර පුහුණු ද අපට ලබා දෙන්නට කොමාන්ඩර් රසී(z)ක් උත්සුක

මා අනුයුක්ත කොට තිබූ එඩිතර නෞකාව ඒ වන විට රඳවා තිබුණේ උතුරු ආරක්ෂණ කලාපයේ බව පැවසූ අපගේ පුහුණු භාර නිලධාරීවරයා උදයේ පිටත් වන ජයසාගර නැවෙන් එඩිතර බලා පිටත් විය යුතු බව දැන්වූවා. මා මෙන් පුහුණුවට යන ආධුනික නිලධාරීන් කිහිප දෙනෙකු ජයසාගර නැවේ යාත්‍රා කළා.
විවිධ ආයතන හා නැව් වලට අනුයුක්තව පුහුණුවට ගිය අප ලබා දී තිබූ රෙදි බෑගයක ඇඳුම් පුරවාගෙන කරේ එල්ලාගෙන ජයසාගර නැවට ගොඩ වුණා. එකට පුහුණු වූ ආධුනිකයින් කිහිප දෙනෙකුම ජයසාගර නැවට ගොඩ වූයේ ජයසාගර නෞකාවේ මෙන්ම උතුරු ආවේක්ෂණ කලාපයේ රඳවා තිබූ සාගරවර්ණ, එඩිතර, අභීත නෞකා මෙන්ම කරෙයිනගර් හි පිහිටි “එළාර” නාවික කඳවුර බලා පිටත් වන්නටයි.

මුහුදේ රළ පහරට හසුව එහාට මෙහාට පැද්දෙමින් ආ ගමන මගේ හිසේ කරකැවිල්ල ඇති කළා. “ඕකට කියන්නේ සී සික් (Sea Sick)” ජයසාගර නැවේ සිටි නිලධාරියෙකු පැවසුවා. “ගනන් ගන්නෙපා. දෙතුන් වතාවක් එහාට මෙහාට sail(යාත්‍රා) කළාම ඕක හරියනවා.”

නාවික හමුදාවට අධිකාරිලත් නිලයන් සදහා ඍජු බඳවා ගැනීම් යටතේ උපාධිධාරීන් හා අවසන් උපාධි පරීක්ෂණයට පෙනී සිට උපාධි පාඨමාලා අවසන් කොට තිබූ පිරිසක් අවශෝෂණය කර ගනිද්දී