ආයෙමත් අපි හමු වෙනව නම් දවසක
මතක ඇතුවම අව් කණ්ණාඩි රැගෙන ඔබ එන්න
සඟවන්න පහසුයි එවිට
බොරු නොකියනා ඇස් වල කතන්දරය…
එක මොහොතකට විතරක් රන් මුදුව සඟවන්න
නොදැක්කා වගේ ඉන්න බැරි වේවි මගෙ හිතට
වැරදිච්ච තැන් වලින් පාඩමක් ලැබුණාද නො අසන්න
ගිනි තියපු ගොලු හදවතට තට්ටුවක් නොදමන්න…
හුවමාරු කරගන්න මුකුත් ඉතිරිව නැති බැවින්
ඔරලෝසු මුහුණතට එපා ඔරවන්න
කවදාහරි දවසක කතාවක චරිතයක් වෙලා
ආයෙමත් මට ඉපදෙන්න ඉඩ දෙන්න…
